Запрашаем прыняць удзел у віктарыне. Напярэдадні Дня вызвалення Свіслаччыны ад нямецка-фашысцкіх захопнікаў дзяржаўная ўстанова адукацыі “Свіслацкі раённы цэнтр турызму і краязнаўства” сумесна з рэдакцыяй раённай газеты ў рамках Года малой радзімы з 13 ліпеня запусціла тэматычную віктарыну “Ці ведаеце вы Свіслаччыну?”. Увазе юных краязнаўцаў прадстаўлены 15 пытанняў, якія датычацца гісторыі і культуры Свіслацкага краю. Пытанні размешчаны на старонках "Свіслацкай газеты", а таксама на сайце ўстановы ва ўкладцы "PROСвислочь" - банер "Это интересно: онлайн-игры, онлайн-викторины".
Свае адказы да 18 ліпеня ўключна вы можаце дасылаць ў рэдакцыю газеты па электроннай пошце svisgaz@tut.by, а таксама на адрас 231969, г. Свіслач, вул. Камсамольская, 12 з паметкай “Віктарына”.
Пры адказе абавязкова ўкажыце свае кантактныя дадзеныя (прозвішча, імя, імя па бацьку, месца вучобы ці працы, тэлефон па якім з вамі можна будзе звязацца). Пераможцы віктарыны атрымаюць спецыяльныя прызы ад Свіслацкага раённага цэнтра турызму і краязнаўства.