21 лютага ў свеце адзначаецца Міжнародны дзень роднай мовы. Ён быў абвешчаны ЮНЕСКА па прапанове Бангладэш, дзе 21 лютага 1957 года, адстойваючы права вучыцца на роднай мове, загінулі 5 студэнтаў.
Сёння ў свеце налічваецца больш за шэсць тысяч моваў. Палова з іх знаходзіцца пад пагрозай знікнення. Менавіта дзеля іх захавання і быў абвешчаны Дзень роднай мовы.
У мэтах рэалізацыі Плана мерапрыемстваў Міністэрства адукацыі Рэспублікі Беларусь па папулярызацыі і пашырэнні сферы выкарыстання беларускай мовы ў жыцці грамадства на 2010 і наступныя гады ва ўстановах адукацыі Свіслацкага раёна арганізавана шырокае святкаванне Міжнароднага дня роднай мовы.
Цікава спланаваны тыдні беларускай мовы, якія прадугледжваюць правядзенне акцый “Гавары са мной па-беларуску”, конкурсаў чытальнікаў вершаў, конкурсаў сачыненняў, кніжных выстаў, прысвечаных творчасці пісьменнікаў-юбіляраў, конкурсаў малюнкаў па творах беларускіх пісьменнікаў, вечарынаў, на беларускай мове, тэатралізаваных пастановак і іншых мерапрыемстваў.
Праведзены раённы конкурс відэаролікаў “У краіне роднай мовы”, пераможца якога, вучаніца 8 класа Дабравольскага дзіцячага сада-сярэдняй школы Лоскат Дар’я, прадстаўляе раён на абласным конкурсе, які праходзіць з 21 па 28 лютага 2019 года.