Праект праводзіцца пры падтрымцы Міністэрства адукацыі Рэспублікі Беларусь. “Чытаем па-беларуску з velcom” – сацыяльна-адукацыйная ініцыятыва па распаўсюджванні беларускай мовы і літаратуры. Галоўная мэта праекта – фарміраванне культуры чытача вучняў VII-VIII класаў устаноў агульнай сярэдняй адукацыі.
Падрабязны алгарытм удзельніцтва ў конкурсе
1. Удзельнік конкурсу выбірае твор з вучэбнай праграмы па прадмеце “Беларуская літаратура” (верш, проза, урывак твора).
2. Вучань запісвае відэазапіс, на якім чытае выбраны твор. Падчас выканання твора можна выкарыстоўваць дадатковую атрыбутыку, рэквізіт, касцюм, музычнае суправаджэнне і інш. Таксама дазваляецца выкарыстанне відэамантажу.
3. Відэазапіс удзельніка павінен пачынацца з прадстаўлення (імя, прозвішча, горад, назва навучальнай установы, клас).
4. Працягласць відэазапісу не павінна перавышаць 2 хвілін.
5. Удзельнік конкурсу размяшчае відэазапіс на сваёй асабістай старонцы ў сацыяльнай сетцы (vk, facebook, або instagram). Старонка ў сацыяльнай сетцы павінна быць адкрытай для прагляду другімі карыстальнікамі.
6. Удзельнік конкурсу павінен суправадзіць публікацыю з відэазапісам адным з афіцыйных хэштэгаў конкурсу – #чытаемзвэлкомальбо #чытаемзvelcom.
7. Пасля публікацыі відэазапісу ў сацыяльнай сетцы, удзельнік павінен выслаць гіперспасылку на публікацыю на афіцыйную пошту праекта – movakonkurs@gmail.com.
8. Адказ пра тое, што публікацыя прынятая і ўсе правілы ўдзелу ў конкурсе выкананы, прыйдзе удзельніку на працягу 24 гадзін на электронную пошту, з якой была адпраўлена гіперспасылка.
9. Удзельнік можа заявіць на конкурс не больш за 2 відэазапіса.
10. Відэазапісы ад удзельнікаў прымаюцца да 30 лістапада ўключна.
Парадак правядзення конкурсу змешчаны на сайцеwww.velcom.by.
З пытаннямі наконт удзелу ў конкурсе можна звяртацца да каардынатара праекта Таісіі Пажогінай па нумары тэлефона 8(029)8962927 альбо па поште taisiapozhogina@gmail.com.